Bullgarët po i frikësohen Ballkanit të fuqisë dhe i kanë porositur BE-në se “Do të evitojmë krijimin e Jugosllavisë së re , nëse na mbështesni”, pasi një projekt i këtillë i shërben “shovinizmit serbo-madh” personifikim i të cilit është Vuçiq, shkruan “Objektiv” transmeton “Bota Sot”.
Bullgaria nuk dëshiron të pranoj ndërlidhjen e serbisë me vendet tjera të regjionit Shqipërinë dhe Maqedoninë, iniciativa për krijimin e zonës së hapur bullgarëve iu duket si gisht në sy dhe e konsiderojnë krijim të Jugosllavisë së re.
Ideja për deri dje “Shengenin e vogël” e tash “Ballkani i Hapur” për të cilin u diskutua nga liderët e Serbis, Shqipërisë dhe Maqedonisë do të jetë mos-sukses i BE-së, ka deklaruar euro-deputeti dhe zëvendës-presidenti i partisë VMRO BND Angel Gjambaski.
Ideja e formimit të një zone të tillë në Ballkan, mund të evitohej, nëse BE do të mbështeste Bullgarin në kërkesat e saj ndaj Maqedonisë, u shpreh ai.
“Kjo iniciativë ka vetëm një qëllim- formimin e Jugosllavisë së re, Kjo nuk guxon të lejohet dhe secili politikan i kuptueshëm që dëshiron stabilitet si në Ballkan edhe Evropë, duhet të dënoi këtë plan bolshevik” ka shkruar Gjambaski në Facebook.
Sipas tij, një projekt i tillë i shërben vetë, interesave “ të shovinizmit serbo-madh personifikim i të cilit është Vuçiq”.
Poliitkani bullgar komentoi edhe rezolutën e deputetëve maqedon që ndalon që tema e identitetit dhe gjuhës maqedone të jetë lëndë e bisedimeve me Bullgarinë. Gjambaski iu drejtua kryeministrit maqedon Zaev, liderit të VMRO DPMNE Hristijan Mickos „dhe mendimtarëve tjerë” duke i ftuar që mos të harrojnë se edhe Bullgari do insistoj në respektimin e historisë dhe kulturës.
“Me rezolutën e pakuptimtë keni mbishkruar ëndrrën tuaj për anëtarësi në BE, që kinse keni pasur. Me atë që keni deklaruar se do të vazhdoni të vidhni edhe falsifikoni historinë e Bullgarisë” iu drejtua ai politikanëve maqedon.
Si dihet dje në Shkup, në takimin e kryeministrave Zaev e Rama dhe presidentit Vuçiq, u nënshkruan tri dokumente që lehtësojnë tregtinë në regjion dhe mundësojnë tregun unik të punës por edhe ndihmën në situata të jashtëzakonshme.
