Ministria e Shëndetësisë kumtoi se në Klinikën për sëmundje infektive dhe gjendje febrile nga Kovid-19 e kanë humbur jetën dy burra, njëri i moshës 45 vjeçare nga Kumanova, tjetri i moshës 78 vjeçare nga Dibra.
I ndjeri nga Kumanova, siç theksohet ka pasur diabet, fibrilacioni atrial, hipertension dhe obesitet, ndërsa i ndjeri nga Dibra ka pasur bronhitis kronik obstruktiv dhe hipertension dhe ka pasur terapi për dy sëmundjet kronike.
Në 24 orët e fundit janë bërë 392 testime, ndërsa janë konfirmuar 44 raste të reja të koronavirusit në vend. Sipas qyteteve: Kumanovë – 23, Shkup – 11, Tetovë – 4, Manastir – 3, Strugë -2 dhe Prilep – 1.
Me këtë, numri i përgjithshëm i pacientëve të diagnostifikuar me KOVID-19 sot arrin 329 persona. Sipas vendbanimit, deri më tani raste të KOVID-19 janë regjistruar në Shkup-175, Dibër – 47, Kumanovë – 47, Shtip – 14, Tetovë – 10, Prilep – 10, Strugë – 7, Veles – 6, Manastir – 4, Ohër – 3, Kavadar – 2, Gostivar – 1, Kriva Pallankë – 1, Strumicë -1 dhe Gjevgjeli -1.
Nga 329 testet e bëra në 24 orët e fundit, 262 janë bërë përmes Institutit për shëndet publik, 26 përmes Fakultetit të veterinarisë, 24 përmes laboratorit Biotek dhe 80 përmes Klinikës “Zhan Mitrev”. Deri më janë bërë gjithsej 3.518 teste të KOVID-19, informojnë nga Ministria e Shëndetësisë.
