Deri më tani, janë vaksinuar 245.413 qytetarë

20

Vaksinimi vijon pa ndërprerje në të gjitha pikat në të gjithë vendin. Interesimi për vaksinim po rritet çdo ditë, dhe deri më tani numri i personave që kanë shprehur dëshirën për vaksinim përmes platformës në internet vakcinacija.mk është 440.213 qytetarë, kumtoi Ministria e Shëndetësisë.

Gjithsej përfshirë edhe ditën e djeshme u vaksinuan 245.413 qytetarë në pikat e vaksinimit në vend. Doza e parë e vaksinës u mor nga 1.255 qytetarë dhe dje u vaksinuan gjithsej 14.282 qytetarë. Gjithsej janë aplikuar 384.466 doza të vaksinave në vend dhe janë rivaksinuar 139.053 qytetarë.

Sipas shifrave të fundit, 48 për qind e popullsisë mbi moshën 70 vjeç kanë marrë të paktën një dozë vaksine dhe 35 për qind e popullsisë mbi moshën 60 vjeç është vaksinuar me të paktën një dozë të vaksinës.

Vaksinimi zbatohet në përputhje me Planin Kombëtar të Imunizimit. Po vaksinohen qytetarët e rritur, qytetarët të cilët kanë shprehur interes për vaksinim në faqen e internetit vakcinacija.mk, dhe personat e punësuar në infrastrukturën kritike.

Vaksinimi masiv bëhet në disa qytete të vendit, në A1 SS “Boris Trajkovski” – Shkup, në sallat sportive në Kavadar, Kumanovë, Tetovë, Shtip, Manastir, Strumicë, Ohër, Veles dhe Prilep.

Ministria e Shëndetësisë apelon tek qytetarët që të regjistrohen masivisht në vakcinacija.mk sepse është mënyra më e lehtë dhe e shpejtë për tu vaksinuar.