Kavadaristi Z.B., i cili kërcënoi sigurinë e kryetarit të Komunës së Kavadarit Mitko Jançev, është dënuar me burgim, ka konfirmuar për MPB-në Gjykata Themelore në Kavadar.
- Gjykata Themelore e Kavadarit njofton se sot, më 22 shtator 2022, pas shqyrtimit kryesor publik dhe me gojë në lëndën penale K. nr.191/22 kundër të akuzuarit Z.B. nga Kavadari për veprën e rrezikimit të sigurisë nga neni 144 paragrafi 4 i Kodit Penal, gjykata me aktvendim e shpall fajtor të pandehurin dhe e dënon me burgim në kohëzgjatje prej 8 muajsh, thuhet në njoftim.
Prokuroria Themelore Publike në Kavadar paraprakisht ka ngritur lëndë dhe ka iniciuar procedurë kundër një personi për veprën penale – Rrezikimi i sigurisë nga neni 144 paragrafi 4 i Kodit Penal. Personi përmes një komenti në rrjetin social Facebook i ka dërguar një kërcënim kryetarit aktual të Kavadarit se “nuk do të vdesësh nga sëmundja apo pleqëria”.
Sipas prokurorisë, i dyshuari paraprakisht ka qenë i dënuar për disa vepra penale për kanosje ndaj kryetarit dhe familjes së tij. Prokuroria më 22 gusht ka njoftuar se pas propozimit të prokurorit publik kompetent, gjyqtari i procedurës paraprake të dyshuarit i ka caktuar masën e arrestit shtëpiak për tetë ditë.
