Armatimi amerikan me vlerë 800 milionë dollarë, i premtuar për Ukrainën të mërkurën nga Presidenti amerikan, Joe Biden përfshin artileri dhe sisteme radari që mund të kërkojnë “stërvitje shtesë” për trupat ukrainase.
“Sistemet që ndoshta do të kërkojnë një trajnim shtesë për forcat ukrainase janë obusët (dhe) … radari kundër artilerisë”, u tha gazetarëve zëdhënësi i Pentagonit, John Kirby.
Sistemi i radarit, tha ai, “nuk është një sistem shumë i vështirë për t’u operuar, por nuk është ai që ata kanë në inventarin e tyre”.
Howitzerët janë një lloj topi me tytë relativisht të shkurtër, i përdorur për të hedhur predha në linjat e armikut.
Sipas Departamentit Amerikan të Mbrojtjes, dërgesa do të përfshijë 18 Howitzer së bashku me 40,000 fishekë artilerie.
Ai do të përfshijë gjithashtu qindra raketa dhe dronë Switchblade – të njohur gjithashtu si drone kamikaze për shkak të mënyrës se si ato mund të fluturojnë në objektivin e tyre, shkruan BBC, përcjell rtv21.tv
ShBA do të dërgojë gjithashtu 11 helikopterë, qindra automjete të blinduara, mina kundër personelit, parzmore dhe pajisje mbrojtëse kimike, biologjike, radiologjike, bërthamore./21Media
