Asnjëherë nuk ka pasur kërkesë, është dërguar marrëveshje, as ka pasur propozim që ish-kryetarja e Komunës së Tetovës, Teuta Arifi, të jetë ambasadore e Maqedonisë në Ankara dhe Uashington. “Për Brukselin është menduar por nuk ka pasur propozim të zyrtarizuar”, tha ministri i Jashtëm Bujar Osmani në konferencën e sotme për media.
Osmani nuk është i sigurt se në qershor Maqedonia do të marrë datën për negociata për anëtarësim në Bashkimin Evropian. Sipas tij, është bërë gjithçka që është kërkuar dhe nëse nuk jepet data, atëherë ai ka thënë se përgjegjësia është në Bullgari dhe BE. Osmani tha se interesimi i qytetarëve për këtë proces do të ulet, andaj Maqedonia do të duhet t’i përkushtohet problemeve të brendshme.
Lidhur me vizitën e eurokomisionerit Oliver Varhey, ai tha se ajo ka për qëllim tejkalimin e dallimeve ndërmjet Maqedonisë dhe Bullgarisë.
“Me Varhey-n u shkëmbyen ide se si të kapërcehen dallimet në lidhje me përmbajtjen e kornizës negociuese, ai është përfaqësues i Komisionit që propozon kornizën e negociatave. “Nuk mund të them se cilat janë konsideratat, por është mirë që komisioneri po zhvendoset në Shkup dhe në Sofje”, tha Osmani.
Lidhur me faktin se kompania ajrore bullgare Gulliver ka ndërprerë shitjen e biletave për fluturimin nga Sofja në Shkup më 21 maj, Osmani tha se përgjegjësinë e ka marrë Bullgaria.
“Faza e parë ishte një tentativë, ky pezullim është proces i negociatave ndërmjet kompanisë dhe Bullgarisë”, tha ministri Osmani.
Ministri i Punëve të Jashtme të Lituanisë, Gabrielius Lindsbergis, në konferencën e përbashkët për media me Osmanin, tha se fillimi i negociatave me BE-në për Maqedoninë dhe Shqipërinë duhet të fillojë para përfundimit të presidencës franceze të Unionit.
“Tani është koha për të bërë një përparim, pa vonesa të mëtejshme, konferenca ndërqeveritare me Maqedoninë e Veriut dhe Shqipërinë duhet të mbahet para përfundimit të presidencës franceze të BE-së. “Ka të bëjë me besueshmërinë e BE-së dhe mbajtjen e premtimeve të politikës së dyerve të hapura të bëra dekada më parë,” tha Lindsberg.telegrami.mk
