Bujar Osmani e informoi Burns mbi aktivitetet e ardhshme që lidhen me perspektivën evropiane

43

Ministri i Punëve të Jashtme, Bujar Osmani, sot është takuar me ambasadoren amerikane, Kate Mary Burns.

Sipas Ministrisë së Punëve të Jashtme, bashkëbiseduesit i vlerësuan marrëdhëniet dypalëshe midis dy vendeve si jashtëzakonisht të forta dhe miqësore, bazuar në partneritetin strategjik dhe anëtarësimin në NATO.

Ministri Osmani e informoi Ambasadoren Burns mbi zhvillimet e fundit politike, me një fokus të veçantë në aktivitetet që lidhen me perspektivën evropiane të vendit në periudhën e ardhshme.

“Në takim, u shpreh kënaqësia me mbështetjen e vazhdueshme dhe kryesore që Shtetet e Bashkuara i japin Republikës së Maqedonisë Veriore në mënyrë që të arrijë aspiratat e saj strategjike të politikës së jashtme. “Osmani theksoi rolin jashtëzakonisht të rëndësishëm të Shteteve të Bashkuara në arritjen e stabilitetit afatgjatë, demokratizimin e mëtejshëm dhe prosperitetin në rajon,” thuhet në deklaratë.