11.8 C
Tetovo
E premte, 29 Mars, 2024
BallinaLajmeQeveria: Nuk është ryshfet parazgjedhor pagesa e subvencioneve

Qeveria: Nuk është ryshfet parazgjedhor pagesa e subvencioneve

Subvencione prej 10 milionë eurosh për fermerët, dhe shpallje shtesë të subvencioneve për bletarët dhe zonat e mbjella, me material faror të certifikuar. Këto janë veprimet e fundit të qeverisë pas shpalljes zyrtare të zgjedhjeve lokale për në tetor.

Përveç subvencioneve, ka shpallje aktive për 300 vende pune në administratën publike. Gjysma e tyre janë planifikuar në Ministrinë e Sistemit Politik, të kryesuar nga Artan Grubi. Pas njoftimit të qeverisë se ka paguar dhjetë milionë euro nga buxheti i shtetit në emër të subvencioneve, ne pyetëm nëse ky është ryshfet parazgjedhor?

Pagesa e subvencioneve para garës zgjedhore u kritikua ashpër nga LSDM-ja derisa ishte në opozitë. Por, pushteti aktual tani nuk u përgjigj në pyetjet tona. Në vend që të përgjigjen nga Qeveria, përgjigje morëm nga Agjencia për Mbështetjen Financiare të Bujqësisë.

Pagesa justifikohet me vendimin e Gjykatës Kushtetuese katër vjet më parë, me të cilin u shfuqizua ndalimi i pagesës së subvencioneve në prag të zgjedhjeve.

RELATED ARTICLES
- Advertisment -

Most Popular

Recent Comments