Gjiganti spanjoll Real Madrid, pësoi humbje sot kundër Manchester City-t me rezultat të ngushtë 3:2, pavarësisht paraqitjes solide që e tregoi si mysafirë në stadiumin “Etihad”.
Plot shtatë gola përgjatë 90-të minutave bënë që tifozët e futbollit të shijojnë njërën nga ndeshjet më të bukura në këtë edicion të Ligës së Kampionëve.
Ndër golat e bukur ishte ai i Karim Benzema nga pika e bardhë, i cili në stilin “Panenka” arrin ta mposht Edersonin duke e ekzekutuar me sukses penalltinë për Real Madrid-in.
Por, pavarësisht këtij goli Benzema nuk arriti që ta ndihmojë Real-in për të regjistruar të paktën një barazim, ndërsa ylli francez kërkoi nga tifozët spanjollë që të tregojnë përkrahje të çmendur në ndeshjen e kthimit në “Santiago Bernabeu”.
“Më shumë se kurrë më parë neve na duhet tifozët e Bernabeut. Ne mund t’ia dalim. Panenka? Kjo është normale, unë kam vetëbesim të plotë në veten time”, tha Benzema pas ndeshjes.
Më 4 maj do të zhvillohet ndeshja e kthimit mes Manchester City-t e Real Madrid-it, ku ky i fundit do të jetë në rolin e vendasit në stadiumin “Santiago Bernabeu”.
