www.telegrami.mk
Autoritarizmi lind kur pushteti fillon ta konsiderojë veten mbi ligjin, institucionet dhe qytetarët. Ai kërkon bindje, kontroll dhe heshtje, ndërsa rezistenca lind pikërisht atëherë kur njerëzit nuk pranojnë ta humbin lirinë, dinjitetin dhe të drejtën për të menduar ndryshe.
Por rezistenca nuk do të thotë domosdoshmërisht revoltë apo përplasje. Ajo mund të jetë edhe guxim për të folur, për të kundërshtuar padrejtësinë, për të mbrojtur të vërtetën dhe për të mos u nënshtruar para frikës.
Autoritarizmi mund ta imponojë heshtjen për një kohë, por nuk mund ta shuajë mendimin e lirë. Pushteti që frikësohet nga kritika, në të vërtetë frikësohet nga vetëdija e qytetarëve. Sepse një shoqëri që mendon lirshëm është më e fortë se çdo pushtet që kërkon bindje të verbër.
“Autoritarizmi kërkon njerëz që binden, ndërsa demokracia ka nevojë për qytetarë që mendojnë dhe rezistojnë.”…www.telegrami.mk
Mesut Shabani
