Koalicioni opozitar ASH-AAA pret që në zgjedhjet lokale të fitojë deri në 10 komuna. Kështu ka thënë kryetari i Gostivarit, Arben Taravari në një intervistë për gazetën LAJM. Taravari që është edhe sekretari i Përgjithshëm i Aleancës për Shqiptarët, ka thënë se nga 15 korriku do të fillojnë me shpalosjen e emrave të kandidatëve.
Nga informacionet që kjo parti merr nga terreni, Taravari tha se ka shumë pakënaqësi tek qytetarët nga Bashkimi Demokratik dhe kjo, sipas tij, do të reflektohet në zgjedhjet lokale kur opozita pret të shënojë fitore.
