Ministrja e financave Nina Angellovska deklaroi se të ardhurat buxhetore gjatë muajit prill arrijnë 14.2 miliardë denarë dhe janë ulur për rreth 20 për qind krahasuar me muajin prill të vitit të kaluar, kjo sipas Angellovskës për shkak të koronavirusit.
Sipas ministres Angellovska, ulja më e madhe është për shkak të mospagesës së TVSH-së, dhe atë 43 për qind, më pas radhiten akcizat me 40 për qind dhe doganat me 26 për qind. Tek tatimi personal është regjistruar ulje prej 11.7 për qind, derisa kontributet janë në nivel të njëjtë me prillin e vitit të kaluar. Përjashtim bën vetëm pagesa e tatim-fitimit që është realizuar me plus 3.6 për qind.
Për subvencionim të pagës minimale sipas Angellovskës deri tani kanë aplikuar 5000 kompani, ndërsa 4000 prej tyre veçmë janë përpunuar dhe u janë miratuar mjetet.
