Ministrja e Financave, Nina Angellovska në ‘Facebook’ shkroi se janë ndarë mbi 100 mijë kartela pagesore që kapin vlerën prej 9 milionë eurove.
Ajo shton se numrat amë të qytetarëve që janë ankuar janë dërguar tek institucionet që kontrollojnë nëse të njëjtit i plotësojnë kushtet.
“Pas përfundimit të kontrolleve do t’i njoftojmë qytetarët të cilëve u është pranuar ankesa dhe të njëjtit do të shtohen në listën e qytetarëve që ju takon mbështetja financiare”, tha Angellovska.
Bankat, siç thuhet në status, duhet që më shpejt ta japin kartelën pagesore dhe deri më tani janë shtypur mbi 250 mijë kartela.
