Mbretëresha Elisabeth II, monarkja më jetëgjatë në historinë britanike ka ndërruar jetë këtë të enjte, ndërsa ndodhej në kështjellën Balmoral në Skoci.
Që prej vitit 1952, ajo ka kaluar shtatë Papë, 14 presidentë amerikanë dhe 15 kryeministra britanikë, ndërsa ka pasur vetëm një monark britanik.
Mbretëresha Elizabeth II ka mbretëruar për 70 vjet, më gjatë se çdo monark britanik në histori dhe çdo monark aktual në botë. Ajo ishte vetëm 25 vjeç kur u ngjit në fron.
Lajmi u konfirmua nga Familja mbretërore përmes një postimi në Tëitter.
“Mbretëresha vdiq në mënyrë paqësore në Balmoral këtë pasdite. The King and The Queen Consort do të qëndrojnë në Balmoral këtë mbrëmje dhe do të kthehen në Londër nesër”, thuhet në njoftimin e Familjes Mbretërore.
Lajmi se Mbretëresha nuk ishte në gjendje të mirë shëndetësore u bë i ditur ditën e sotme. Mbretëresha Elizabet u mbajt nën mbikqyrje mjekësorë në pallatin Balmoral në Skoci pasi mjekët u shprehën të shqetësuar për shëndetin e saj.
Familjarët shkuan të gjithë në Skoci për të qenë sa më pranë Mbretëreshës në momentet e saj të fundit.
Mbretëresha Elisabet mbylli sytë në moshën 96 vjeçare.
