Kancelari i Austrisë, Karl Nehammer, do të takohet me presidentin ukrainas, Volodymyr Zelensky, në Ukrainë në ditët në vijim, tha zyra e tij të martën.
Nehammer foli me Zelenskyn të hënën në mbrëmje, shtoi një zëdhënës, shkruan CNN.
Austria synon të vazhdojë të ofrojë “mbështetjen më të mirë të mundshme humanitare dhe politike” për Ukrainën, thuhet në një deklaratë nga Kancelaria austriake, duke shtuar se Vjena tashmë ka ofruar fonde dhe pajisje për Ukrainën dhe do të ofrojë ndihmë të mëtejshme së shpejti.
Zyra e Nehammer tha se nuk do të bëjë publike detaje të mëtejshme të udhëtimit për arsye sigurie.
Ndryshe, edhe dy diplomatët kryesorë të Bashkimit Evropian do të takohen me Zelenskyn, në Kiev këtë javë.
Presidentja e Komisionit Evropian, Ursula von der Leyen, dhe shefi i çështjeve të jashtme të BE-së, Josep Borrell, do të takohen me Zelenskyn “përpara ngjarjes premtuese ‘Ngrihuni për Ukrainën’ të shtunën në Varshavë”, tha zëdhënësi Eric Mamer.
