Kryeministri Edi Rama thotë se dita pa makina duhet të bëhet pjesë e pandashme e kalendarit mujor. Ky reagim i kreut të qeverisë vjen pasi ditën e sotme Tirana vendosi që të ishte ditë pa makina duke kufizuar qarkullimin në disa rrugë.
Rama thotë se dita pa makina, fuqizimi i transportit publik dhe përdorimi i biçikletave do të jenë në fokus të punës së përbashkët të qeverisë me pushtetin vendor.
“Dita pa makina duhet të bëhet hap pas hapi pjesë e pandashme e kalendarit tonë mujor, ashtu sikundër fuqizimi i transportit publik dhe nxitja e përdorimit të biçikletave në qytet, do të jenë pjesë e pandashme e punës së përbashkët me pushtetin vendor, për më shumë cilësi jete në hapësirat publike të komuniteteve tona”, shkruan Rama./tvklan.al