Bora, e cila nga mbrëmë bie në rajonin e Mavrovës ka shkaktuar probleme në qarkullim. Në lokalitetin Bunec ka kolonë të madhe automjetesh dhe bllokime të trafikut, ndërsa policia po bën përpjekje për të siguruar lëvizjen në një korsi drejt Dibrës.
Sipas informacioneve të SPB-së së Tetovës, në këtë rajon ka probleme në zhvillimin e trafiku dhe po punohet për normalizimin e komunikacionit, ndërsa zyrtarët policorë të cilët ndodhen në terren rregullojnë qarkullimin e automjeteve.
Qytetarët që sot në mëngjes janë gjetur në rrugë përmes rrjeteve sociale bëjnë të ditur se unaza rreth liqenit të Mavrovës është e pakalueshme për shkak të borës në rrugë.
Deri në mëngjesin e sotëm në Mavrovë shtresa e borës ka arritur 30 centimetra.
