Një bazë sekrete e CIA-s është ekspozuar gabimisht në një listë të ndërtesave qeveritare të vendosura për shitje nga Departamenti i Efiçencës së Qeverisë (Doge) i Elon Musk.
Bëhet e ditur se baza sekrete e CIA-s në Virxhinia ishte në një inventar shitjeje të përpiluar nga Doge.
Sipas ekspertëve të pronave, Departamenti po kërkon të ulë koston e qirave të zyrave që i kushtojnë qeverisë federale 5.23 miliardë dollarë në vit.
“Pse po shpenzohen dollarët e taksapaguesve amerikanë për të mirëmbajtur ndërtesat bosh?”, thotë një postim i vitit 2024 nga llogaria zyrtare e Doge.
Bëhet e ditur se në fillim të këtij muaji, Administrata e Shërbimeve të Përgjithshme – krahu i pronës së qeverisë federale – nxori një listë me 443 ndërtesa të cilat i konsideronte si të tepërta.
Një nga qiratë e anuluara nga Doge është një ndërtesë në Chicago që strehon të dhënat presidenciale të Barack Obamas, shkruan the Telegraph.
Raportohet se Administrata Kombëtare e Arkivave dhe Regjistrimeve e ka dhënë me qira ndërtesën për 1.4 milionë dollarë në vit që nga viti 2016.
Ndërtesa mban më shumë se 35,000 artikuj të mbledhur nga familja Obama gjatë tetë viteve në detyrë.
Ndryshe, ndjeshmëria e ndërtesës së dukshme sekrete të CIA-s në Virxhinia është një çështje debati, duke qenë se ekzistenca e saj ishte e njohur për vendasit.
Revista Wired e përshkroi atë si “sekretin më të keq të mbajtur në zonë”.
Megjithatë, nuk kishte asgjë në ndërtesë për të zbuluar se ajo ishte përdorur nga CIA, duke sugjeruar, të paktën, se agjencia nuk dëshironte të tërhiqte vëmendjen për ekzistencën e saj ose të vinte në rrezik stafin që punonte atje.
