Analisti Mentor Nazarko ka deklaruar se BDI është në një situatë të vështirë pas shpalljes non grata të Artan Grubit.
I ftuar në emisionin “Ballkan Update”, ai ka thënë se kërkesa për zgjedhje të parakohshme nga kjo parti nuk qendron, pasi nuk është momenti i duhur për të zhvilluar zgjedhje në Maqedoninë e Veriut.
“BDI është në një situatë të vështirë pas goditjes së një figure si ajo e Artan Grubit dhe synon që të trimëroj elektoratin e vetë nëpërmjet një kërkese akti apo force siç është ai i zgjedhjeve të parakohshme, duke u përpjekur të krijojë iden që kuotat elektorale janë rritur për shkak të qendrimit që ka mbajtur në lidhje me gjuhët.
Në pikëpamje taktike është koha më e mirë për të zhvilluar zgjedhjet, në pikëpamje të interesit shtetëror të Maqedonisë, apo të interesit kombëtar të shqiptarëve, unë mendoj që nuk është një moment i mirë për t’u zhvilluar zgjedhjet. Unë mendoj që interesi apo energjitë e shqiptarëve në Maqedoni edhe me ndihmën e Shqipërisë, duhet të fokusohen nga afrimi I dy etnive kryesore shqiptarëve dhe maqedonasve”, u shpreh Nazarko./abcnews.al
