Pas 24 orësh qëndrimi në stacion, kryegjyqtari është dërguar në Gjykatën Penale, ku i është kërkuar caktimi i masës së paraburgimit.
Georgiev dyshohet për ndikim të paligjshëm, për të cilin ka marrë ryshfet prej 10.000 euro. Ministria e Brendshme e kapi me paratë dhe më pas e mbajti në stacion.
Vepra për të cilën dyshohet Georgiev është marrja e shpërblimit për ndikim të paligjshëm. Ekzistenca e veprës penale do të plotësohet kur dikush përfiton për vete dobi pasurore të kundërligjshme, në atë mënyrë që me ndikimin e tij të supozuar do ta detyrojë tjetrin të kryejë vepër të kundërligjshme në një procedurë apo proces të caktuar.
Gruaja e Georgiev është prokurore nga Strumica, ndërsa djali i tij ka mbaruar akademinë për gjyqtarë dhe prokurorë publik dhe është bërë gjyqtar në Gjykatën Penale. Karrierën e tij gjyqësore e filloi në Gjykatën Themelore në vendlindjen e tij, Strumicë, nga ku vazhdoi në Apelin e Shtipit si gjyqtar, e më pas kryetar, ndërsa nga viti 2020 është gjyqtar suprem.
Georgiev gjithashtu u përpoq të bëhej anëtar i Këshillit Gjyqësor. Ai ishte i vetmi kandidat nga Gjykata e Lartë. Në qendrat e votimit, ai mori më shumë shkarravitje dhe fletë votimi të pavlefshme sesa vota – por ai u zgjodh. Më pas ai dha dorëheqjen që të mos kishte konflikt interesi dhe djali i tij të bëhej gjyqtar.
