Ambasada Amerikane në Shkup ende do t’i shqyrtojë ndryshimet në Kodin Penal, me të cilat parashihet zvogëlimi i dënimeve për keqpërdorim të pozitës zyrtare dhe për krim të realizuar, të cilat u miratuan dje në Kuvend pas procedurës së shkurtuar.
“Nuk i kemi parë ndryshimet në Kodin Penal të votuara së fundmi në Parlament. Ne mezi presim t’i shqyrtojmë ato dhe shpresojmë që ato të jenë në përputhje me standardet ndërkombëtare dhe proceset ligjore”, thanë nga Ambasada e SHBA për TV 24.
