Ka një strategji që është hartuar kohë më parë dhe ajo po realizohet dhe ngadalë po jepen rezultate. Jemi bërë anëtarë i NATO-s, nisëm negociatat me BE-në, ndërtojmë Korridorin 8, këtë e tha mes tjerash zëdhënësi i BDI-së, Bujar Osmani duke komentuar anketën e fundit të IRI, ku sipas tij 74 për qind e qytetarëve janë pro frontit europian, përcjell TV21. Osmani nga Lituania tha se besimi në BDI vjen për shkak se, siç tha ai, BDI ka qëllime të sinqerta.
“Janë rezultate solide, me të vërtet i jemi falënderues qytetarëve që kanë besim në BDI, ka arsye për këto, fillimisht për shkak se kemi qëllime të sinqerta, e dyta për shkak se kemi përvojë për të cilën të gjithë bashkë po të mblidhen nuk kanë mundësi ta arrijnë këtë në kapital njerëzor që e kemi ne në parti”, tha Osmani./tv21.tv
