Lufta e Rusisë në Ukrainë është nxitur nga “çmenduria shkatërruese” dhe Zvicra është e përgatitur të paguajë çmimin për mbrojtjen e lirisë dhe demokracisë, deklaroi presidenti zviceran Ignazio Cassis.Zvicra vendosi të njëjtat sanksione ndaj Rusisë si Bashkimi Evropian, por Cassis këmbënguli se neutraliteti i Zvicrës nuk ishte në rrezik, raporton Al Jazeera.
Megjithatë, ai tha se Zvicra nuk mund të qëndronte duarkryq në “përballjen midis demokracisë dhe barbarizmit” dhe ishte e përgatitur të japte një goditje ekonomike.
“Më 24 shkurt, imazhi i botës ndryshoi, për të keq. Ne duhet të mbrojmë me guxim dhe pa rreshtur lirinë dhe demokracinë. Kjo ka një çmim. Një çmim që Zvicra është e gatshme ta pranojë”, ka shkruar ai në gazetën Le Temps.
“Kjo luftë drejtohet nga një çmenduri shkatërruese që dëmton të gjitha parimet dhe vlerat e qytetërimit tonë”, ka thënë më tej ai.
