Vazhdojnë kolonat dhe pritjet e gjata në vendkalimin kufitar Merdar. Bashkatdhetarët po vazhdojnë të presin mbi pesë orë për të dalë nga Kosova nga kjo pikë kufitare.
Qendra Kombëtare për Menaxhim Kufitar në njoftimin e orës 07:57 bën të ditur se përveç në Merdar, edhe në pikën tjetër kufitare Dheu i Bardhë pritjet për të dalë nga Kosova janë 1 orë e 40 minuta.
Ndërkaq, në Muçibabë bashkatdhetarët po presin deri në 40 minuta për ta lëshuar Kosovën, e në Mutivodë deri në 15 minuta.
Në pikat tjera kufitare nuk raportohet për kolona.
