Alternativa duhet të marrë vendim për të qëndruar në anën e qytetarëve ose të pranojë ofertat për tu shkrirë në krimin e LSDM-së
Burime të VMRO-DPMNE-së për Alsat thonë se pavarësisht vendimit të Alternativës, opozita do të shfrytëzojë të gjitha mekanizmat demokratik për të shkuar në zgjedhje të shpejta të parakohshme.
“Alternativa ka dy opsione, të mbes në anën e qytetarëve, ndërsa ata qartë treguan çka mendojnë në zgjedhjet e fundit lokale, ose të vrapojë në garën për funksione dhe të shkrihet në krimet e Zoran Zaevit dhe LSDM-së. Nëse vendosin ta pranojnë këtë vendim sinqerisht na vjen keq, nëse jo atëherë ai do të jetë vendim i tyre. Të presim të shohim në periudhën e ardhshme se si do të zhvillohen punët”, tha Marija Miteva nga VMRO-DPMNE./ Alsat.mk
