Mëngjesin e sotëm nuk iu lejua akses ekipit mjeko-ligjor që duhej të ishte pjesë e autopsisë së personave të vdekur në aksidentin e tmerrshëm në Bullgari. Atyre iu kërkua miratim nga prokurori i shtetit bullgar, në kundërshtim me protokollet e Interpolit, përcjell “Telma TV”.
Drejtori i Institutit të Mjekësisë Ligjore, Aleksandar Stankov, ka mbërritur me dy kolegë të tjerë, në pritje të miratimit, për çka po bëhen marrëveshje të ndërsjella mes dy prokurorëve të shtetit.
Në aksident humbën jetën 45 persona nga Maqedonia, ndërsa 7 të tjerë mbijetuan, pesë prej të cilëve nga vendi ynë, një nga Serbia dhe një shtetas i Belgjikës.