Disa ushtarë rusë janë dorëzuar për shkak të moralit të dobët dhe mungesës së ushqimit dhe karburantit, dhe disa kanë sabotuar qëllimisht automjetet e tyre për të shmangur luftimet me ukrainasit, tha sot një zyrtar i lartë i Pentagonit për New York Times.
Në disa raste, të gjitha njësitë ruse u dorëzuan pasi hasën në rezistencë çuditërisht të fortë nga forcat e mbrojtjes ukrainase, shtoi zyrtari. Gjegjësisht, një numër i konsiderueshëm i ushtarëve rusë janë rekrutë të rinj, të trajnuar dobët, të cilët nuk janë gati për një sulm total si ai i nisur nga Vladimir Putin. Në disa raste, trupat ruse shpuan qëllimisht vrima në rezervuarët e karburantit, me sa duket për të shmangur një luftë, tha zyrtari.
Kjo mund të jetë një nga arsyet pse rusët po përparojnë kaq ngadalë
Një punonjës i Pentagonit, i cili ndihmoi në përpilimin e raportit, nuk komentoi vlerën ose saktësinë e informacionit që dyshohet se u zbulua në ushtrinë amerikane. Oficeri foli në kushte anonimiteti.
Duke marrë parasysh të gjithë këta faktorë, mund të shpjegohet se përse forcat ruse, duke përfshirë autokolonën famëkeqe 64 kilometra të tankeve dhe automjeteve të blinduara që drejtohen për në Kiev, kanë përparuar jashtëzakonisht ngadalë ditët e fundit, thanë zyrtarët amerikanë.
