Tetova pa ujë, reagon ASH Tetovë (VIDEO)

49

Tetova dhe qytetarët saj për të shtatën ditë me rradhë janë pa ujë, pa gjënë më kryesore të mbijetesës sonë! Qytetarët e Tetovës nuk kanë ujë për pije, e as për higjienë personale në kohë pandemie. Dështimet e kësaj administrate komunale e kanë shndërruar Tetovën si një qytet mesjetar, ku çdo tetovar kryefjalë të ditës e ka mungesën e ujit.


Udhëheqësia e Komunës se Tetovës ka dështuar të veprojë në mënyrë efektive dhe në kohë të duhur për të sanuar një difekt që po i lë tetovarët pa ujë.
Në bazë të informacioneve tona, ky problem është shkaktuar diku në Malësinë e Tetovës, ndërmjet fshatit Bozofcë dhe Leshnices, ku ka patur rrëshqitje (erozion) toke, me çka eshte dëmtuar ujësjellsi që furnizon qytetin e Tetovës me ujë. Erozionet e këtilla shkaktohen si pasojë e hapjes së rrugëve që çojnë drejt hidrocentraleve të shumta private të oligarkëve të afërt me pushtetin e që po ndërtohen kudo duke shkatërruar bjeshkë e male, bashkë dhe gjithë ekosistemin dhe bukuritë e Malit Sharr.
Tetova jo vetëm këto shtatë ditë por vazhdimisht ka patur probleme me ujin e pijshëm, por rasti i fundit ka tejkaluar durimin e çdo tetovari që po përballet me mungesën e ujit.
I bëjmë thirrje Kryetares së Komunës znj. Arifi dhe Ndërmarrjes publike “Tetova” që sa më shpejtë t‘i ndërmarrin masat e domosdoshme që t’ju sigurojnë ujin tetovarëve, të kërkojnë ndihmë nga Qeveria dhe institucionet shtetërore dhe t‘ju dalin në ndihme rreth këtij problemi qe pa fajin e tyre e pësojnë tetovarët, madje edhe në kohë pandemie kur kujdesi mbi shëndetin dhe pastërtinë janë mbi të gjitha.
Të nderuar bashkëqytetarë të mi. Sot është paraqitja e parë si kryetar dege i ASH, e kisha menduar të ndaj shqetësime me ju për shumë probleme tjera siç janë: mungesa e parqeve për fëmijë, cerdheve, mungesa e parkingjeve, shkollave të reja, e deri te teatri, i cili nuk ka përfunduar edhe pas 10 vitesh, po kurrë s‘e kisha menduar se paraqitja ime e parë do te jetë për mungesën e gjësë më elementre për jetën e njeriut sic është UJI. Të dashur tetovarë, kjo është edhe një nga shumë dëshmitë për keqmenaxhimin e Kryetares se Komunes se Tetovës, që qytetarët e saj i lë pa ujë në shekullin 21, në kohë pamdemie, pas dy mandatesh Kryetare e Tetovës imagjinoni cfar absurdi dhe çfar turpi njëkohësisht.
ASH Tetovë
Muzafer Etemi
Kryetar