Aleanca për Shqiptarë është parti serioze, mendoj se nuk ka nevojë prej askujt të kërkojë falje dhe as nuk kemi pritur dikush të kërkojë nga ne falje, tha Taravari në pyetjen e gazetarëve se a duhet ASh t’i kërkojë falje Alternativës para se të hyjnë në Qeveri, të cilën e kërkoi edhe Alternativa para disa ditësh.
“Jemi parti serioze ku ka anëtarësi, organe dhe mendoj se ata duhet të vendosin, sepse më shumë se anëtarëve të Aleancës për Shqiptarë askujt nuk i dhimbet ASh”, shtoi Taravari.
Ushtruesi i detyrës kryetar i ASH-së, Arben Taravari menjëherë pas mbarimit të takimit me kryeministrin Dimitar Kovaçevski deklaroi se në takim nuk është diskutuar për hyrjen e ASH-së në Qeveri. Sipas tij fokusi i bisedës është vënë në integrimin e vendit në BE, shkruan Alsat.
“Në vazhdën e takimeve, konstatuam se rruga evropiane e Maqedonisë patjetër të vazhdoj. Ne si ASH do të jemi mbështetës të këtij procesi, biseduam dhe për luftën kundër krimit dhe korrupsionit. Për ligjet që janë të bllokuara në Kuvendin e Maqedonisë, siç janë dhe ligjet që ndihmojnë që Maqedonia të afrohet në BE. Nuk kemi marrë ofertë për hyrje në Qeveri, në momentin që do të ketë një ofertë të tilë, do të jeni të informuar me kohë”, tha Arben Taravari, u.d. kryetar i ASh-së.
“ASH-është parti serioze, në rast se marrim një ofertë serioze, do ta shqyrtojmë dhe analizojmë sepse një vendim të tillë duhet ta marrin organet e partisë. Nuk kemi marrë ofertë për hyrje në Qeveri”, tha Taravari.
“Ne kemi një paket masash të cilat i kemi prezantuar edhe para faktorit ndërkombëtare dhe disa partive politike, këto do të jenë vijat tona të kuqe, pavarësisht nëse do të jemi në pushtet apo opozitë, ne do të insistojmë që ato të miratohen”, tha Taravari.
