Sot në zyrën e OKH “Merhamet” për një vizitë ishte kryetari i Forumit Ndërkombëtar për të Drejtat e Njeriut, Qenan Seadini, ku u prit nga kryetari i OKH “Merhamet”, Ridvan Xhaferi.
Arsyeja e kësaj vizite ishte diskutimi i mundësive të bashkëpunimit ndërmjet dy organizatave, fushat e mundshme të bashkëpunimit, si dhe për kapacitetet bashkëpunuese.
Kryetari i FNDNJ-së, Seadini, shfaqi gatishmërinë e tij për të zhvilluar modalitete kooperuese në temën e drejtave të njeriut, trajnimeve të ndryshme për të rinjtë në këtë temë, kurset e ndryshme e kështu me radhë.
Edhe Ridvan Xhaferi, nga ana e tij, shfaqi gatishmërinë e OKH “Merhamet” për bashkëpunim dhe ofroi mundësinë e nënshkrimit të një memorandumi, me të cilin do të definohen këto ura komunikimi.
Në takim ishin të pranishëm edhe prof. Dr. Adnan Ismaili – anëtar i Kryesisë së OKH “Merhamet”, si dhe prof. dr. Gjyla Çeliku – një zë intelektual tashmë i njohur për opinionin dhe kryetare e Shoqatës “International Woman’s Club” gjithashtu një aktiviste e zellshme e shoqërisë civile.
