Pjestarë të policisë të SPB Tetovë-Departamenti i
Punëve të Brendshme Gostivar, dje (29-janar) rreth orës
17:15, në Banjic të Epërme të Gostivarit, kanë privuar
nga liria një të mitur nga Lagjja periferike Fazaneria, i cili
dyshohet se më datë 27 të këtij muaji rreth orës 14:00
në afërsi të një objekti fetar në Gostivar, ka kryer grabitje
ndaj një të mituri tjetër nga lagjja Cigllana dhe i ka marrë
sendet personale. Sendet e vjedhure janë gjetur tek ai
dje dhe janë kthyer nënës 37-vjeçare të të miturit,
ndërsa ndaj të miturit të raportuar do të përgaditet
kallëzim përkatës.
…….
Dje (29-janar) rreth orës 13:30, në Gradec të
Gostivarit, punonjësit policorë të SPB Tetovë – DPB
Gostivar, kanë ndaluar 77-vjeçarin A.R nga ky fshat, i cili
është sjellë në mënyrë agresive ndaj tyre dhe ka
refuzuar urdhrat e tyre gjatë ndërmarrjes së veprimeve
zyrtare, pas një ankese të bërë më parë nga një tjetër
banor i fshatit, e cila i referohej marrëdhënieve të tyre të
mëparshme të pazgjidhura pronësore-juridike. Rasti
është zbardhur plotësisht dhe kundër A.R. është
përgatitur parashtresa e parashikuar me ligj.
==============
Dyzet e një vjeçari R.K. nga Zdunja e Gostivarit
dje (29-janar) në ora 19:05 në SPB-Tetovë ka raportuar
se djali i tij i mitur rreth orës 15:30 është sulmuar fizikisht
nga një i mitur tjetër në ambientet e shkollës fillore ku
kanë mësuar. Po merren masa për zbardhjen dhe
dokumentimin e rastit.
Në kuadër të një aksioni kontrollues të kryer dje
(29-janar) nga ora 05.00 deri në 10:00 në rrugën e
“Ilindenit” në Tetovë, është ndaluar dhe sanksionuar
mjeti motorik i pasagjerëve “Ford Transit” me targa
regjistrimi të Tetovës, të drejtuar nag M.M.(56) nga
Pallçishti i Epërm i Tetovës i cili nuk ka pasur
dokumentet e nevojshme për kryerjen e transportit
publik. Ndaj drejtuesit të mjetit është përgadit
parashtresë në bazë të nenit 284-a të Kodit Penal.
…….
Dje (29-janar) në orën 11.00, 37-vjeçarja H.E. nga
Tetova në SPB-Tetovë ka raportuar se është kafshuar
nga një qen endacak në rrugën “Boris Kidriç” në Tetovë.
…….
Tridhjetë e gjashtë vjeçari A.M. nga Palçishti i
Epërm i Tetovës në SPB Tetovë ka raportuar se në fshat
është kafshuar nga një qen endacak.
