Spasovski: Pas festave të majit do të fillojmë lehtësimin e masave

286

Kryeministri Oliver Spasovski në konferencën e sotme për shtyp njoftoi se qeveria po përgatit plan për të hequr gradualisht masat restriktive me qëllim që vendi të kthehet në normalitet. Spasovski theksoi se në fillim të muajit maj do të largohen një pjesë e masave restriktive.

“Me masat e deritanishme ekonomike jemi munduar të përfshijmë të gjitha sferat e shoqërisë në Maqedoni me qëllim që të ndihmojmë njëjte secilin. Duhet ta dimë se të gjithë do të mbajmë ngarkesë nga kjo krizë, nuk është periudha ku dikush fiton dikush do të realizojë profit. Thjesht nuk është koha për çfarëdolloj profiti. Të gjithë së bashku duhet të kalojmë këtë gjendje. Tani më qeveria po përgatit një plan serioz, dikund pas festave të majit në bazë të të gjitha analizave për atë se si dhe në çfarë mënyre të lehtësojmë disa pre masave që do të jenë në funksion të kthimit të normalitetit. Kjo nuk do të thotë se do të normalizohet plotësisht jeta për shkak se nuk është e mundur, megjithatë do të hiqen disa prej masave restriktive. Ngadalë dhe sigurt do të vazhdojmë me normalizimin e gjendjes”, tha mes tjerash Spasovski.

Sipas Spasovskit, virusi korona ndryshoi mënyrën e jetesës dhe të funksionimit të Institucioneve shtetërore..

“Kjo gjendje në mënyrë rrënjësore ka ndryshuar mënyrën e jetesës, të asaj që e quajmë jetesë normale. Gjithsesi, se kjo na detyroi edhe neve si Qeveri të punojmë në mënyrë tjetër. Të gjithë institucionet reaguan ndaj detyrimeve të tyre. Ajo që mund të konstatojmë është se menaxhimi në aspektin shëndetësorë po shkon siç është planifikuar. Dua të bëjmë edhe më tej gjithçka, përmes këtyre masave parandaluese, që të kemi funksionim të mirë, dhe kushte për funksionim të sistemit shëndetësor dhe punonjësve shëndetësor. Distanca sociale jep më shumë rezultate. Masat nuk janë dëshira e qeverisë, por merren në bazë të sugjerimeve që japin institucionet shëndetësorë”, tha Spasovski.