Kampioni i Maqedonisë në futboll Shkupi e siguroi plasimin në xhiron e 2-të të kualifikimeve në Ligën e Kampionëve, pasi sonte në lojën kthyese në Gjibraltar kundër Linkolnit edhe krahas humbjes 0-2 (0-1) e ruajti epërsinë prej tre golash të fituar para një jave në Shkup.
Linkolni kaloi në epërsi në minutën e 32-të përmes Penjas, ndërsa ndeshjen në fund të pasigurt e çoi Kaskijaro me goditje të saktë në minutën e 69-të.
Kundërshtar i Shkupit në xhiron e dytë kualifikuese do të jetë kampioni kroat Dinamo Zagreb.
Përfaqësuesi kroat, në radhët e së cilit janë edhe Arian Ademi dhe Stefan Ristovski nga reprezentacioni jonë, ndërsa në të kaluarën fanellën e ka mbajtur edhe strategu aktual i Shkupit, Goce Sedlloski, do të jetë nikoqir i ndeshjes së parë më 21 korrik. Loja e kthimit është pas një jave në Shkup.Fituesi i duelit do t’i vazhdojë kualifikimet në Ligën e Kampionëve, ndërsa ai që pëson humbje zhvendoset në kualifikimet për plasimin në fazën e grupeve në Ligën e Konferencave.tv21
