RMV, GRATË NËSE DUAN DO TË MUND TË PUNOJNË DERI NË 64 VJET

62

Biljana Jovanovska, drejtoresha e Fondit të Sigurimeve Pensionale dhe Aftësisë së Kufizuar, për “Utrinski Brifing” konfirmoi se me projekt-ligjin e ri në Kuvend, gratë do të jenë në gjendje të punojnë deri në 64 vjet, ndërsa e njëjta moshë mbetet e detyrueshme për burrat, transmeton Telegrafi.

“Për gratë, mbetet pensioni i rregullt prej 62 vjet, por ata do të jenë në gjendje të dalin në pension në 64, sipas zgjedhjes së tyre, ndërsa për burrat kufiri prej 64 vjet mbetet”, tha personi i parë i Fondit Pensional.

Jovanovska thotë se në sektorin privat, kushdo që dëshiron të pensionohet më vonë, duke aplikuar në sigurimin e detyrueshëm shoqëror, do të jetë në gjendje të vendos pensionin e tij në pritje.

Ajo shtoi se me ligjin që pritet të miratohet, buxheti pensional nuk do të lejojë uljen e financave.

“Nuk do të ketë implikime, nuk do të ketë pasoja, sepse kemi investime dhe njoftime për hapjen e vendeve të reja të punës”, thotë Jovanovska.