16.5 C
Tetovo
E premte, 29 Mars, 2024
BallinaLajmeProtestë para MPB-së, policët përplasen me njëri-tjetrin për sindikatën

Protestë para MPB-së, policët përplasen me njëri-tjetrin për sindikatën

Dhjetëra policë protestuan para godinës së MPB-së në Shkup. Jo si rëndomë që protestojnë për të drejtat e tyre, tani revoltën e shprehin ndaj krye sindikalistit të policisë. Ndërkaq kryetari i Sindikatës Goce Dellçev Todev, nga ana tjetër e rrugës erdhi që të shoh se çfarë kërkesash kanë kolegët e tij. Protestuesit thonë se një numër prej 500 policëve duan të heqin dorë nga anëtarësia e Sindikatës së pavarur të policisë. Madje, organizatori i kësaj proteste iu tha gazetarëve se nëse nuk u pranohet dorëheqja e tyre nga kjo sindikatë deri më 6 janar, do të ngrenë padi ndaj Todevit, me arsyetimin se iu marrin para, por nuk i përfaqësojnë denjësisht.

Unë për vete kam pasur mosmarrëveshje personale dhe vlerësova se duke u dorëhequr nga strukturat e sindikatës nuk do të vij puna deri te konfrontimi fizik. Anëtarët tjerë kanë arsyet e veta, por shumica prej tyre shprehin pakënaqësi se janë lënë pas dore kërkesat e tyre, përkatësisht nuk kanë marrë atë që kanë pritur. Vlerësoj se kemi nevojë për të përfaqësuar nga një sindikatë, e cila do të kryente punët siç duhet dhe do të përpiqet për të drejtat tona që na binden të anëtarësohemi- deklaroi Ivica Kuzmanovski, Ish-anëtarë i Sindikatës.

Ndërkaq, kryetari i Sindikatës së pavarur të policisë Goce Dellçe Todev tha se organizatori i protestës së sotshme është duke manipuluar me policët për të ulur ndikimin e sindikatës ndaj udhëheqësisë së MBP-së për kërkesat dhe të drejtat e policëve, që sipas tij, sindikata përpiqet t’i plotësoj.

Përderisa ndonjëri dëshiron të heq dorë, nuk ka problem ka mënyra të ç’ lajmërimit madje edhe tani mund t’ju plotësoj fletë dorëheqjet që i kam me vete për ata që deklarohen të pa kënaqur. Por, problemi është diku tjetër sepse largimi nga sindikata e individëve të caktuar bëhet sipas dëshirës së disa eprorëve të caktuar, të cilët duan t’i ruajnë kolltukët e tyre të rehatshme- tha Goce Dellçe Todev, Sindikata e pavarur e policisë.

Protestuesit thanë se nuk po respektohet vullneti i lirë i rreth 500 policëve që të ç’ lajmërohen nga sindikata dhe se procedura e dorëheqjes realizohet shumë ngadalë, përkatësisht sipas tyre, duhet të pritet me muaj madje me vite për të marrë dorëheqjen zyrtare. Sindikata e pavarur e policisë numëron rreth 3.500 anëtarë nga të gjitha strukturat policisë së shtetit, të cilët paguajnë shumën prej 150 denarësh në muaj për anëtarësim në këtë sindikatë.

RELATED ARTICLES
- Advertisment -

Most Popular

Recent Comments