Policia dhe ushtria janë angazhuar në garantimin e distancës mes qytetarëve që dynden në markete dhe farmaci gjatë orareve që u lejohet lëvizja. Diçka të tillë e bëri të ditur kryeministri Edi Rama në “Facebook”. Ai apeloi që radha të mbahet duke e menduar koronavirusin si një bombë të padukshme.
Një masë e tillë erdhi pasi gjatë këtyre dy ditëve u vu re se ndërgjegjësimi i qytetarëve mbaroi dhe të gjithë u “sulën” në rrugë e dyqane, pa e vrarë mendjen për COVID-19.
