Ministrja e Arsimit she Shkencës, Vesna Janevska pranoi se asnjë shkollë në vend nuk posedon libra për gjuhët e huaja, me të cilat furnizohen nxënësit. Janevska thotë se deri më tani nuk ka pasur mundësi që të realizohet furnizimi ndërsa premton se shkollat dhe nxënësit do të kenë libra pas gati një viti.
“Nuk kishte asnjë mundësi për furnizim me libra për gjuhë të huaja që nga qershori, deri më tani. Thirrja për libra për gjuhë të huaja do të bëhet në janar të vitit 2025, dhe në shtator të vitit 2025 do të kenë libra për gjuhë të huaja. Dmth jo në disa shkolla, në asnjë shkollë nuk ka libër për gjuhë të huaja”. tha Janeva.
