Ministri i Drejtësisë, Bojan Mariçiq duke folur në “Konferencën ndërkombëtare për “modelet e rregullimit të drogave”, organizuar nga Koalicioni “Margjinat” dhe HOPS tha se është mirë që në vend u hap një debat i gjerë shoqëror për dekriminalizimin e marijuanës.
Siç kumtoi Ministria e Drejtësisë, sipas Mariçiqit, rregullimi cilësor i kësaj çështje mund të sjellë më shumë përfitime për shtetin në drejtim të rregullimit të tregtisë me marijuanë, zvogëlimin e krimit dhe natyrisht përfitimet ekonomike, veçanërisht në turizëm dhe hotelieri.
“Natyrisht që jam i vetëdijshëm se kjo është një çështje komplekse dhe kjo është arsyeja pse ky proces duhet të jetë gjithëpërfshirës, përkatësisht në krijimin e modalitetit se si do të kryhet dekriminalizimi, përveç publikut profesional dhe ekspertëve, duhet të përfshihen edhe organizatat joqeveritare, përkatësisht organizatat e shoqërisë civile të cilat munden gjithashtu të kontribuojnë në cilësinë e zgjidhjes. Debati tani është i hapur dhe vazhdon”, theksoi Ministri Mariçiq.
Ai theksoi se ne do të insistojmë dhe do t’i kushtojmë vëmendje të veçantë ligjeve të miratuara njëherë me të cilat do të rregullohet kjo çështje, të zbatohen në mënyrë të qëndrueshme dhe pa përjashtim në praktikë, sepse përndryshe do të vendosemi të gjithë në rrezik në mënyrën e vet për ta interpretuar dekriminalizimin, ndërsa me këtë në vend se rend të vendoset kaos në këtë sferë.
