Në raportin e Reporterëve pa Kufij dhe në Indeksin e tyre Botëror të Lirisë së Shtypit 2022, Serbia renditet më keq nga të gjitha vendet e ish-Jugosllavisë, megjithëse është ngjitur me 14 vende në shkallë në krahasim me raportin e vitit 2021. Këtë vit ajo zuri vendin e 79-të dhe është në kategorinë e vendeve “problematike”.
Kroacia është në vendin e 48-të në kategorinë “të kënaqshme”, ndërsa Sllovenia në vendin e 54-të dhe ndër vendet “problematike”, si dhe Maqedonia e Veriut në vendin e 57-të, Mali i Zi në të 63-tin dhe Bosnja e Hercegovina në vendin e 67-të. Në rajonin e Ballkanit Perëndimor, vetëm Shqipëria (vendi 103) renditet më keq se Serbia.
Sipas Indeksit Botëror të Lirisë së Medias të publikuar nga Reporterët pa Kufi, bota po përjeton një polarizim të dyfishtë, të intensifikuar nga kaosi i informacionit, i pranishëm në disa vende dhe në marrëdhëniet ndërmjet vendeve në nivel ndërkombëtar.telegrami.mk
Raporti i vitit 2022, i cili vlerëson gjendjen e gazetarisë në 180 vende dhe territore, tregon për efektet katastrofike të kaosit të informacionit që rezulton nga hapësira e globalizuar dhe e parregulluar e informacionit në internet, e cila inkurajon përhapjen e lajmeve të rreme dhe propagandës.
Norvegjia mbetet në krye të indeksit botëror të lirisë së shtypit në Evropë. Më të ulëtat renditen Koreja e Veriut (180), Eritrea dhe Irani. Pranë tyre janë Myanmar (176) dhe Kina (vendi 175).
