Ndërsa policia dhe kontrolli ushtarak respektojnë karantinën në të gjithë vendin, është gjithnjë e më e vështirë për mashtrues apo elementw kriminale italianë qw të bëjnë biznes, por ekspertët thonë se ata thjesht janw nw heshtje dhe po përgatiten të kthehen.
Ndërsa ende regjistron numra marramendës të të vdekurve dhe të infektuarve, Italia është e vetëdijshme se kjo pandemi do të lërë plagë të thella mbi kombin.
Policia thotë se madje edhe organizatat e frikshme të mafies italiane janë goditur prej pandemisw, duke filluar me Ndrangheta-s, kontrabandist kryesor i kokainës në botë, por ekspertët paralajmërojnë se rezistenca e tyre nuk duhet të nënvlerësohet.
“Ata e kuptojnë se biznesi i tyre do të preket pjesërisht nga kjo dhe janë duke pritur për kohë më të mira,” tha gjenerali Giuseppe Governale, kreu i Policisë Antimafia Italiane (DIA),.
“Ekziston një proverb i vjetër sicilian që vlen për situatën e tanishme: ‘Qëndro i qetë, qen, derisa të kalojë përmbytja,” tha Governale, një vendas i Palermos.
Si në periudhat e hershme të vështira, epidemia e kolerës së shekullit të 19-të ose Lufta e Dytë Botërore, krimi do të rri në përgatitje për një rikthim, shpjegoi gjenerali.
Në zemër të Ndrangheta-s, Kalabri, kufizimet e vendosura për shkak të koronavirusit ndihmuan në arrestimin e njw emri tw bujshwm në fillim të këtij muaji, Cesare Antonio Cordi, i cili kishte qenë në arrati që nga gushti i vitit të kaluar.
Në përgjithësi, Ministria Italiane e Brendshme regjistroi një rënie të mprehtë të krimit në tre javët e para të marsit.
Në krahasim me një vit më parë, kishte 64 përqind më pak krime të raportuara.
“Krimi i organizuar kryesisht fiton para me drogën dhe prostitucionin, dhe në kohë krize, njerëzit shpenzojnë më pak për gjëra të tilla,” tha profesori i studimeve të krimit të Universitetit të Oksfordit, Federico Varese.
“Ata jetojnë në të njëjtën botë si ne, dhe nëse jeta jonë është e kërcënuar, kështu janë edhe të tyret,” tha ai.
Nga ana tjetër, eksperti dhe shkrimtari Roberto Saviano sugjeroi javën e kaluar që grupet e krimit të organizuar mund të përdorin çdo lloj situate krize për të përfituar.
“Nëse, për shembull, për shkak të karantinave të gjata, ndodhin mungesa të ushqimit, drogës ose karburantit, kush tjetër do të drejtonte tregun e zi për këto mallra sesa mafia”, shkroi Saviano në një artikull për La Repubblica.
Në Itali, kanë dalë raporte që kriminelët kanë filluar të merren me maska mbrojtëse, sanitizatorë dore dhe pajisje të tjera antivirus, të cilat mungojnë në mënyrë kronike.
Në Ostia, një anëtar i një familjeje lokale mafioze, Fasciani, u kap duke shitur maska të zeza në tregun e zi.
Por nuk ka asnjë provë që mafia është e përfshirë në mënyrë të konsiderueshme në një kontrabandë të tillë.
Ajo që shefat mafiozë janë duke kërkuar me të vërtetë janë mundësitë e investimit pas krizës, kur fokusi do të jetë në rigjallërimin e ekonomisë.
Miliarda euro ka të ngjarë të injektohen në ekonomi për të ndihmuar atë të rikuperohet nga recesioni i madh i pritshëm, dhe krimi italian ka rezultuar i suksesshëm në kapjen e parave publike.
“Do të jetë një mundësi e shkëlqyer për ta, por ne jemi të vetëdijshëm për këtë dhe do të ndërmarrim masa kundër këtij kërcënimi të veçantë në muajt dhe vitet që vijnë”, tha Governale.
Policia italiane, vuri në dukje ai, ka përvojë në gjetjen dhe zhdukjen e “tentakulave” mafioze në kontratat e punëve publike për projektet e rindërtimit pas tërmetit dhe për një rrugë të re në Genoa.
Nicola Gratteri, hetuesi kryesor kundër Ndrangheta-s dhe kryeprokuror në qytetin e Catanzaros, tha se nga recesioni, krimi mund të përfitonte në mënyra të tjera.
Pronarët e shumë ndërmarrjeve që kanë rënë në telashe ka të ngjarë të kthehen në pengje të mafiozëve, të cilët zakonisht duke mos qenë në gjendje t’i paguajë ata, kështu që ata humbasin gjithçka, tha ai.
“Ky është një kërcënim i madh: nëse qeveria nuk ofron ndihmë të vërtetë për kompanitë, dhe tani, jo në një vit apo dy, pasi njerëzit ose do të falimentojnë ose do t’i drejtohen mafias”, paralajmëroi Gratteri.
Ai shprehu shqetësimin për ngërçin në gjyqësor, pasi seancat dëgjimore në gjyqet ndaj mafiozwve u pezulluan për shkak të koronvirusit.
Përveç Ndrangheta-s, organizatat kryesore mafioze në Itali janë Sicilian Cosa Nostra, Kamorra e Campania dhe Sacra Corona Unita në rajonin juglindor të Pulias. /tesheshi.com/
