Kryeministri i Kosovës, Albin Kurti ka folur në telefon të martën me presidentin e Francës Emmaul Macron.
Kreu i Francës i ka kërkuar kreut që të veprojë shpejt për Asociacionin e komunave me shumicë serbe.
Siç njofton presidenca franceze, “Presidenti i Republikës rikujtoi mbështetjen e palëkundur të Francës për pavarësinë e Kosovës dhe integrimin evropian”.
“Ai nënvizoi përkushtimin e tij për dialogun ndërmjet Kosovës dhe Serbisë, mbështetje ndërmjetësimit evropian dhe bëri thirrje për zbatimin e plotë të marrëveshjeve Bruksel-Ohër”, thuhet në njoftimin e Presidencës.
Në njoftim, thuhet po ashtu se presidenti Macron përshëndeti zbatimin e vendimit të Gjykatës Kushtetuese për Manastirin e Deçanit.
Ndër të tjera, Macroni ka shprehur keqardhje për dështimin e votimit për tërheqjen e kryetarëve të komunave në veri të Kosovës.
“Ai përsëriti nevojën për mbajtjen e zgjedhjeve të reja sa më shpejt, me pjesëmarrjen e popullatës serbe”, u tha ndër tjera në komunikatën e Presidencës së Francës.
