LEVICA sot del për të katërtën ditë proteste, duke luftuar kundër politikës negative evropiane dhe probullgare ndaj identitetit maqedonas. Revolta nga qëndrimi i tyre injorant ndaj popullit maqedonas po rritet gjithnjë e më shumë! Populli po zien dhe këtë e tregoi protesta e djeshme, duke thyer gardhin para Qeverisë, deri te porta e vetë hyrjes. Populli dëshiron të dëgjohet dhe të bindet, sepse bëhet fjalë për Maqedoninë!
Qeveria sot deklaroi se “nuk do të ngutet me miratimin e dokumentit”, sepse gjoja konsultimet janë ende në vazhdim dhe nuk janë ezauruar – edhe pse informacionet fillestare ishin se sot (e martë) do të miratohet nga Qeveria. Ky ngadalësim i rrjedhës së ngjarjeve është rezultat i drejtpërdrejtë i Rezistencës autentike popullore në rrugë, çdo ditë gjatë ditëve të fundit. Por Rezistenca duhet të vazhdojë, nuk duhet të lejojmë shpifjen e identitetit dhe gjuhës maqedonase!
Këto janë ditët tona. Kjo është barra e brezit tonë. Kjo është trashëgimia e të parëve tanë!
Ejani sot, ejani bashkë të mbajmë barrën që na ka zgjedhur Historia për të mbajtur dhe pastaj ngrihuni me krenari, mbajmë kokën lart dhe themi: NE NUK KEMI ATDHE TJETËR!
Të dashur bashkëqytetarë, së bashku po shkruajmë historinë. Se a do të kujtohemi si heronj të kohës sonë apo tradhtarë që dorëzuan eshtrat e ilindenëve dhe asnomistëve të famshëm, kjo varet nga ne! Nuk ka më justifikime!
Në orën 19:00 takohemi sërish para Qeverisë – më pas në Ministrinë e Bujar Osmanit!
LEVICA : Protestat për mbrojtjen e identitetit maqedonas vazhdojnë çdo ditë në orën shtatë
