Koalicioni Aleanca për Shqiptarët- Alternativa kanë prezantuar platformën “Shtetësia.mk”.
Bashkim Bakiu gjatë prezantimit të platformës deklaroi se edhe pse Maqedonia ka të nënshkruar Deklaratat Universale që përcaktojnë se të gjithë kanë të drejtën e shtetësia, megjithatë faktet tregojnë se në vendin tonë ka njerëz të cilët juridikisht pa shtetësi.
Ai tha se koalicion është duke përgatitur një propozim-ligj për të ndryshuar ligjin aktual të shtetësisë.
“Ne do të marrim një proces gjithëpërfshirës për të identifikuar personat pa shtetësi në Maqedoninë e Veriut përmes platformës shtetësi.mk. Përmes kësaj platforme ne duam të sensibilizojmë gjithë publikun dhe të mobilizojmë qytetarët e Maqedonisë së Veriut që një herë e përgjithmonë të zgjidhet problemi i pa-shtetësisë. Synimi i kësaj platforme është grumbullimi i informacioneve nga qytetarët që ballafaqohen me problemin e pa-shtetësisë”, ka deklaruar Bakiu nga koalicioni, përcjell SHENJA.
