17.6 C
Tetovo
E enjte, 8 Maj, 2025
BallinaSportKF Shkëndija Tetovë,shpallet zyrtarisht për herë të pestë kampion i Maqedonisë së...

KF Shkëndija Tetovë,shpallet zyrtarisht për herë të pestë kampion i Maqedonisë së Veriut në futboll për sezonin 2024/25

Shkëndija e Tetovës e ka fituar titullin e kampionit për herë të pestë në histori të klubit. Shkëndija të mërkurën mposhti Rabotniçkin 2:1, në kuadër të javës së 31-të të elitës së futbollit të Maqedonisë së Veriut.Kanë mbetur edhe dy xhiro deri në fund, por Shkëndija siguroi titullin të mërkurën. Shkëndija është katër pikë para Sileksit, që zë vendin e dytë. Por Shkëndija ndeshjen e radhës e ka ndaj Gostivarit, skuadër që është tërhequr nga gara. 

Rrjedhimisht, Shkëndija fiton me rezultat zytar 3:0 ndeshjen ndaj Gostivarit. Ndeshjen e fundit tetovarët e kanë ndaj Sileksit. 

“Historia shkruhet sërish në ngjyrat kuqezi!. KF Shkëndija shpallet kampione e Maqedonisë për herë të pestë në histori, një arritje madhështore që mban vulën e zemrës, përkushtimit dhe forcës sonë si klub dhe si komunitet. Faleminderit lojtarëve, stafit, tifozëve në çdo cep të botës. Përkundër mungesës në tribuna, dashuria juaj ndihej në çdo sekondë. Kjo është për ju!”, shkruan në postimin e klubit tetovar.

Shkëndija ka fituar titullin edhe në vitin 2011, 2018, 2019 dhe 2021.

RELATED ARTICLES
- Advertisment -

Most Popular

Recent Comments