Për herë të parë në gati dy dekada, Japonia ka akuzuar Rusinë për pushtimin e paligjshëm të katër ishujve të diskutueshëm, pasi marrëdhëniet midis dy vendeve u përkeqësuan për shkak të luftës në Ukrainë. Ishujt që Moska i quan Ishujt Kuril dhe Tokio Territoret Veriore janë nën kontrollin rus, por Japonia po i pretendon ato.
“Shqetësimi më i madh në marrëdhëniet me Rusinë janë Territoret Veriore, të cilat janë territore japoneze të pushtuara aktualisht ilegalisht nga Rusia”, tha Ministria e Jashtme japoneze në raportin e saj vjetor diplomatik.
Japonia i përshkroi për herë të fundit ishujt si të pushtuar ilegalisht në 2003.
Të dy vendet nuk kanë nënshkruar ende një marrëveshje paqeje për t’i dhënë fund Luftës së Dytë Botërore dhe Japonia thotë se negociatat kanë ngecur për shkak të luftës në Ukrainë. Muajin e kaluar, Rusia tha se po i pezullonte bisedimet pasi Japonia dënoi pushtimin dhe vendosi sanksione ndaj Moskës.
“Ishujt janë pjesë e patjetërsueshme e Federatës Ruse”, tha zëdhënësi i Kremlinit, Dmitry Peskov.
