Me pankarta, ekspozitë dhe ligjëratë në ambient të hapur, disa qindra studentë dhe profesorë të fakultetit me numrin më të madh të studentëve në Maqedoninë e Veriut – Fakulteti i Shkencave të Informatikës dhe Inxhinierisë Kompjuterike (FSHIIK), e ngritën zërin përpara Qeverisë dhe kërkuan nga shteti që të angazhohet në mënyrë proatkive në menaxhimin me njërën prej sfidave më të mëdha për institucionin – mungesën e hapësirë për akomodim të thuajse 5.000 studentëve,
Studentët dhe profesorët e FSHIIK-t shprehën revoltën e tyre para Qeverisë në një klasë të improvizuar që edhe pas më shumë se tetë vitesh FSHIIK nuk ka shtëpinë e vet.
“Shteti ka hapësirë brenda institucioneve të tjera shtetërore që është e pashfrytëzuar, e vetmja gjë që duhet bërë është gjetja e saj dhe zhvendosja e Byrosë që duhet të zhvendoset në një ambient zyre. Nevojat e tyre nuk janë shumë të mëdha. Nëse Byroja ka nevojë për klasë, ne do t’u japim klasa për të kryer ndonjë trajnim, por në realitet nuk shoh ndonjë problem të madh pse realisht do të ishte e pamundur zhvendosja e byrosë”, tha Boro Jakimovski, dekan i FSHIIKt.
Ministria e Arsimit dhe Shkencës (MASH) në takim me rektorin e UKIM-së do të kërkojë që fakultetet me dhoma të lira t’ua japin kolegëve të FSHIIK-t për të mbajtur mësime, deri në ndërtimin e objektit të ri.
“Unë si ministër gjithmonë kam kërkuar fonde shtesë për të ndërtuar ato objekte. Mirëpo, nuk janë paraparë mjete në dy buxhetet e mëparshme, por janë paraparë mjete shtesë që FINKI të ketë më shumë dhoma në Fakultetin e Teknologjisë, të cilat dhoma janë të përshtatura si për buxhetin e FINKI-t ashtu edhe për buxhetin e Ministrisë së Arsimit, por ne. do të gjejë zgjidhje”, tha Jeton Shaqiri, ministër i Arsimit dhe Shkencës.
