Danimarka dhe Hollanda janë dy vendet që janë bashkuar me veton Bullgare në Maqedoninë e Veriut, i tha një burim diplomatik të përditshmes Bullgare 24 Chasa.
Sipas burimit të gazetës, edhe nëse nuk ka çështje të diskutueshme për Maqedoninë, ka mosmiratim të madh të kornizës negociuese për Shqipërinë.
Gazeta shkruan se më parë deputeti i VMRO-DPMNE Antonio Milososki shkruajti në Facebook se “Bullgaria nuk duket të jetë vetëm, ajo ka mbështetje diskrete diplomatike nga të paktën dy shtete të tjera anëtare – të cilat bien dakord të bllokojnë bisedimet e pranimit për Maqedoninë.”
Pasi Bullgaria bllokoi fillimin e negociatave të Maqedonisë me BE, gjatë një takimi në nivelin e ambasadorëve në Bruksel, çështja do të rihapet në një takim në 7 dhjetor. Këshilli i Çështjeve të Përgjithshme është planifikuar të nesërmen, në të cilin do të diskutohet përsëri procesi i negociatave të Maqedonisë Veriore.
Dy ditë më parë, komisioneri i zgjerimit të BE Oliver Varhei i kërkoi Maqedonisë veriore të bëjë përpjekje për të gjetur një zgjidhje me Bullgarinë. Ndërkohë, një takim i Komisionit të Përbashkët për Çështjet Historike është në proces dhe qeveria maqedonase po vazhdon përpjekjet e saj për të arritur një marrëveshje me Sofjen dhe për të mundësuar fillimin e negociatave me Bashkimin Europian .
