Çmimi i naftës është zhytur në nivele që nuk janë parë që nga viti 2002 pasi kërkesa për naftë të papërpunuar ka rënë në kolaps nga përhapja e Coronavirusit.
Çmimi i naftës së papërpunuar Brent ra në 22.58 dollarë për fuçi, nivel ky më i ulët që nga nëntori i vitit 2002.
Ndërkohë çmimi i West Texas Intermediate (WTI) ra nën 20 dollarë për fuçi dhe afër nivelit më të ulët në 18 vite.
Gjatë këtij muaji shumë kompani kanë ndërprerë ose mbyllur prodhimin, çka ka çuar në rënien e çmimit nën gjysmë.
Përveç rënies së kërkesës, një luftë çmimesh shpërtheu në fillim të këtij muaji midis Arabisë Saudite dhe Rusisë.
Kjo filloi kur Arabia Saudite nuk arriti të bindë Rusinë të mbështesë shkurtimet e prodhimit që ishin pajtuar me anëtarët e tjerë të grupit të prodhuesve të naftës OPEC.
Vendimi erdhi ndërsa rafineritë në të gjithë botën po përpunojnë më pak naftë të papërpunuar. Kërkesa për transport është bllokuar nga linjat ajrore dhe kufizimi i makinave, ku shumë vende po ndërmarrin gjithnjë e më shumë masa të ashpra për të luftuar shpërthimin e Coronavirusit.
