Ministri i Punëve të Jashtme, Bujar Osmani, konsideron se projekt-rezoluta e Parlamentit Evropian për progresin e vendit për vitin 2021 nuk ka të bëjë drejtpërdrejt me veton, por është qëndrim i eurodeputetëve, ndërsa vendimin për veton e merr Këshilli i BE-së.Ne kemi punuar intensivisht në tekstin e kësaj rezolute. Nëse shikoni amendamentet fillestare, mendoj se së bashku me përkrahësit tanë deputetë në PE, arritëm të neutralizonim përpjekjet për të imponuar amendamente mjaft provokuese. Deri në fund të procesit nuk mund të parashikojmë se çfarë mund të pranojnë deputetët dhe grupet e ndryshme, por jemi në kontakt të vazhdueshëm. Ajo rezolutë e shpreh qëndrimin e PE-së, por nuk e vendos apo neutralizon veton, gjegjësisht nuk ka ndikim të drejtpërdrejtë në vetë veton, tha Osmani.
Sa i përket ofensivës diplomatike që do të ndërmerret për këto amendamente, Osmani tha se ambasadori ynë në Bruksel me gjithë misionin ka qenë dje në PE për takime me secilin nga deputetët.
“Këtë e bëjmë tash e disa muaj sepse ky proces është diskutuar gjatë, madje në AFET ka pasur dy amendamente që fatkeqësisht janë pranuar në mbledhje, edhe pse nuk janë diskutuar më parë. “Janë propozuar edhe dy amendamente të tjera, të cilat i konsiderojmë të diskutueshme, por nuk jemi aty. Deputetët bullgarë janë brenda Kuvendit. Ne po mundohemi t’i neutralizojmë nga jashtë përmes kontakteve me përkrahësit tanë”, tha Osmani.
Ai përsëriti se kjo nuk do të ndikojë në të gjithë procesin, sepse nuk ka dilema me askënd tjetër përveç Bullgarisë dhe se ky qëndrim nuk mund të imponohet si qëndrim evropian, por duhet të jemi më aktiv në atë pjesë për të shpjeguar në vazhdimësi pozicionet.
Osmani tha se duhet theksuar se rezoluta në PE është pozitive, sepse në të thuhet qartë se çështjet bilaterale nuk duhet të jenë pjesë e procesit të anëtarësimit.
Burimi: Focus
