Ministri i Punëve të Jashtme do të presë zbardhjen e rastit të politikanit ukrainas i cili ka marrë nënshtetësinë maqedonase edhe pse është në listën e zezë të SHBA-ve dhe më pas do të shohë nëse MPJ-ja duhet të marrë diçka pasi opozita ka kërkuar nga MPJ. të tërheqë vendimin për pozitën e ambasadorit të drejtorit të Agjencisë për siguri kombëtare, Viktor Dimovski, sepse ASN-ja ka dhënë mendim pozitiv për shtetësinë e ukrainasit.
Ministri i Punëve të Jashtme theksoi se nuk mund të komentojë për këtë çështje derisa siç tha ai të zbardhet rasti. Pritet që institucionet të shohin nëse ka ndonjë kontest në atë rast dhe pastaj të shihet nëse duhet të ndërmarrin veprime.
Osmani tha se është në interes që të mblidhet komisioni parlamentar dhe t’i shtrohen të gjitha pyetjet ambasadorëve të ardhshëm. – Nëse nuk e thërrasin, do të thotë se nuk kanë komente dhe atëherë do të kërkoj nga presidenti i vendit të nënshkruajë një dekret, siç ka nënshkruar për disa ambasadorë për të cilët Milloshoski nuk ka thirrur komision, tha Osmani. .
Osmani informoi se Dimovski ende nuk është larguar, i ka mbrojtur tezat e tij dhe po pret kalimin e tij në Kuvend, në Komisionin për Politikë të Jashtme. Osmani pret që ta thërrasë komisionin kryetari i këtij misioni parlamentar Antonio Milloshoski dhe siç informon ai presin dy ambasadorë, për Parisin dhe Podgoricën.
